Les mots surlignés font l'objet d'une note
1Reçue à Grenoble, le 09 fevrier 1573. Répondue le 10 fevrier 1573.
2Monsieur de Gordes, jay receu celle que vous mavez escripte du XXVe
3du passé, et ne pourrois assez vous remercier comme il me semble
4de tant daffection et bonne vollunté que vous continuez en mon
5endroict. Je men suis tousiours tant asseuré que damy que
6jaye en ce monde. Aussi pouvez vous faire estat du reciproque et
7de le trouver en moy deffect et de bonne affection en tous les
8endroictz que jen auray le moyen, ayant prié et receu en
9très bonne part tout ce que mavez mandé, et garderay soigneuzement
10votre lettre pour me representer à toutes heures votre bon advis
11et conseil, lequel je desireroys de bon cœur avoir aussi
12bien de bouche comme par escript, et quil fust loisible
13de venir iusques icy. Mais il ne seroit pas raisonnable
14d’habandonner votre charge au temps où nous sommes et
15sans lexprès commandement du roy. Par ainsi continuez je
16vous prie de mescrire souvent, et si vous pouvez vous
17aprocher, i ne sera que meilleur, afin que, frequentement,
18nous puissions donner advis lun à lautre de ce qui se
19passera en ce gouvernement et au votre pour le service
20de sa majesté. Au demeurant quant aux IIII compagnies
21[137 v°] que le roy mavoit ordonnées sur votre gouvernement encor’quelles
22me fussent bien neccessaires, si est ce que je veulx en cela
23ce que sadite majesté en a ordonné, et ce que vous et le païs
24voullez quil en soit faict. A ceste cause, je vous prie
25de men envoyer les deux en diligence et les deniers
26entre les mains du tresorier de lextraordinaire des guerres pour
27leur payement et aussi de faire haster la compagnie
28de monsieur de Maugiron, comme je vous en ay escript
29par mes dernières et à celuy qui la commende en
30son absence. Voyla tout ce que je vous puys escripre
31pour cest heure, fors que je me prepare tant que je puys
32pour assieger quelque ville, et que joublyois à vous
33dire que le commissaire La Magdelène qui ma amené
34lartillerie de Lion, na peu recouvrer en passant quelques
35boulletz de canon qui sont à Vienne, à faulte quil nen
36avoit aucun commendement de vous, qui me faict vous
37prier de scavoir que cest, et de me faire envoyer
38tant quil y en aura sur la riviere iusques en Aiguesmortes
39[138] le plustost quil sera possible. En cest endroict,
40je me vays très affectueusement recommander à votre
41bonne grace et prier Dieu vous donner, monsieur
42de Gordes, en parfaicte santé, longue et heureuse
43vie. De Lunel, ce IIIe fevrier 1573.
44Votre plus affectionné, parfaict et asseuré
45amy Henri de Montmorancy